"Barselona" rahbariyati "Inter" hujumchisi Lautaro Martines va "PSJ" forvardi Neymardan birini tanlash borasida qaror qabul qildi."Diario Sport" tarqatgan xabarga ko'ra, "ko'k-anorranglilar" argentinalik futbolchini sotib olishga qaror qilishdi. Chunki, har ikkala futbolchini xarid qilish uchun jamoada etarli mablag' yo'q. Martinesning o'zi ham "Barsa"ga o'tib, hamyurti Lionel Messi bilan birga o'ynashni istamoqda. Bundan tashqari, Lautaroga APL klublari tomonidan qiziqish bor, ammo futbolchi "Barselona" variantini afzal bilmoqda. Eslatib o'tamiz, yozgi transfer paytida Martinesning badal puli 111 million evroga teng bo'ladi.