"Arsenal" hujumchisi Per-Emerik Obameyang "Manchester Yunayted" qiziqishlari doirasiga tushib qoldi.
Manchesterliklar gabonlik futbolchi uchun 54 million evro to'lashga tayyorlar.
30 yoshli Obameyang joriy mavsum barcha musobaqalarda 32ta o'yinda maydonga tushib, 20ta gol va 1ta assist qayd etgan. Uning "Arsenal" bilan tuzgan shartnomasi 2021 yilning 30 iyuniga qadar mo'ljallangan.
Oldinroq, futbolchiga " Barselona" va "Inter" klublari qiziqish bildirayotgani haqida xabar berilgan edi.