"Barselona"ning asosiy transfer maqsadi "Inter" hujumchisi Lautaro Martinesdir.

Ammo agar argentinalik futbolchining transferi o'xshamasa, Kataloniya klubi La Ligadan hujumchi sotib oladi. "Barselona" "Real Sosedad" hujumchisi Aleksandr Isakka qiziqmoqda, deb yozadi "Marca".20 yoshli futbolchi basklar klubi safida 34 ta o'yinda 14 ta gol urib, 3 ta assistni amalga oshirdi.

Ma'lumot uchun, "Barselona" avvalroq La Ligadan boshqa bir hujumchi — Martin Bretueytni sotib olgandi.