Match telekanallarida Rossiya va Ispaniya chempionatlari sharhlovchisi Konstantin Genich Ispaniya chempionati 34-turida "Villarreal" - "Barselona" uchrashuvi haqida fikr bildirdi.
-"Barselona" - bu "durangli virus". Va bu "Real"ning 4 ochko ilgarilab ketishiga olib keldi. Endi qolgan beshta turda "Barselona" "Real" dan o'tib keta olmaydi. "Real" Kataloniya jamoasining xatolaridan unumli foydalandi. "Barselona" ichki muhitida juda ko'p muammolar bor: futbolchilar murabbiylar shtabi bilan janjanlashadi, Kike Seten mavsum oxirigacha ham borolmasa kerak. Agar u ketsa, uning o'rnini Xavi egallaydi, hatto Messi ham jamoani tark etishni hohlayotgani haqida xabarlar paydo bo'ldi. Ko'p narsalar bir-biriga qarama-qarshi. Har doimgidek, katta klubda katta muammolar mavjud bo'ladi.
-"Barselona" ushbu turda mavsumda juda yaxshi harakat qilayotgan "Villarreal" ga tashrif buyuradi. U bir nechta ajoyib g'alabalarni qo'lga kiritdi. La Liga qayta boshlangandan so'ng, "Villarreal" 5 marta quruq g'alabaga erishdi. "Valensiya" bilan ham "Betis" bilan chiroyli o'yinlar ko'rsatdi. Hozir "Villarreal" yaxshi holatda va u Yevropa ligasi yo'llanmasini qo'lga kiritish uchun kurashni davom ettirmoqda. "Sevilya" dan uch ochko oldi. "Barselona"ni ham "burnini qonatadi" demoqchimasman, lekin unga yutqazmasligi mumkin. Shu bilan birga, men "Villarreal"ni bugun ham nolga o'ynaydi deb o'ylamayman.