Ispaniya chempionatining 11-tur o'yinlari start berildi. Tur doirasida «Atletiko» safarda «Alaves» klubi mehmoni bo'lib, durang bilan kifoyalandi. Madridliklar 70-daqiqada Morata tomonidan urilgan gol evaziga hisobni ochishgan edi. O'yin tugashiga 7 daqiqa qolganida Lukas Peres qolganida hisobni tenglashtirishga muvaffaq bo'ldi.«Barselona» esa o'z uyida «Valyadolid»ni yirik hisobda mag'lub etdi. Uchrashuvning 2-daqiqasida Messi jarima zarbasini amalga oshirdi. Langle esa rekoshet orqali o'ziga kelgan to'pni 10 metrlardan darvozaga joylab qo'ydi. 15-daqiqada mehmonlar hisobni tenglashtirishdi. Shundan so'ng Messining yulduzli onlari boshlandi. Kataloniyaliklar tomonidan urilgan 4ta golning barchasida argentinalik ishtirok etdi. Dastlab Vidalga ajoyib uzatma bergan bo'lsa, oradan ko'p o'tmas Lionel jarima zarbasidan so'ng to'pni "to'qqizlik"ka "mixladi".Ikkinchi bo'limda Rakitichning pasidan keyin "Barsa" sardori yakkama-yakka vaziyatga chiqdi va undan samarali foydalandi. Oradan 2 daqiqa o'tib u Suares darvozabon bilan randevuga chiqardi. Luis imkoniyatni qo'ldan chiqarmadi — 5:1.Ushbu g'alabadan keyin "Barselona" o'z ochkolarini 22taga etkazib, 1-o'ringa ko'tarildi. "Atletiko" esa 20 ochko bilan 3-o'rinni egallab turibdi.Ispaniya chempionati, 11-turAlaves – Atletiko 1:1 (0:0, 1:1)Gollar: 0:1 – 70 Morata, 1:1 – 83 Lukas Peres. Alaves – Pacheko, Magalyan, Laguardia, Agirregabiria, Duarte, Vakaso (Berk, 75), Aleish Vidal, Manu Garsiya, Rioxa (Pere Pons, 68), Lukas Peres, Xoselu (Pina, 88).Atletiko – Oblak, Ermoso, Lodi, Aryas, Felipe, Lorente (Tomas, 46), Errera (Morata, 60), Saul, Lemar, Korrea, Diego Kosta (Koke, 70).Ogohlantirishlar: Lorente (16), Vakaso (29), Laguardia (61), Felipe (75), Manu Garsiya (89), Ermoso (89). Barselona – Valyadolid 5:1 (3:1, 2:0)Gollar: 1:0 – 2 Langle, 1:1 – 15 Olivas, 2:1 – 29 Vidal, 3:1 – 34 Messi, 4:1 – 75 Messi, 5:1 – 77 Suares. Barselona – ter Stegen, Langle, Semedu, Alba (Serdji Roberto, 78), Pike, Buskets, de Yong (Rakitich, 60), Vidal, Fati (Grizmann, 63), Suares, Messi.Valyadolid – Masip, Olivas, Porro, Nacho Martines (Salisu, 32), Xoakin Fernandes, Michel, Anuar (Ervias, 53), Valdo Rubio, Barba, Gvardiola, Plano (Unal, 66).Ogohlantirishlar: Xoakin Fernandes (45), Gvardiola (68), Michel (79).