Franciya terma jamoasi ustozi Dide Desham Antuan Grizmanning “Barselona”dagi hozirgi holatidan xavotirda emasligini bildirdi.
“Grizmanning hozirgi holati meni tashvishga solayotgani yo'q. Uning imkoniyatlariga shubha bilan qaramayman. Ular muhokama qilinmaydi. Barcha o'yinchilarda ham qiyin davrlar bo'ladi. U buni engib o'tishga qodir”, — deydi Desham.
Malumot uchun, Grizmann La Liganing so'nggi 12 ta o'yinida atigi 1 ta gol urdi. U 2019/20 yilgi mavsum “ Barselona” safida 46 ta o'yinda qatnashib, 15 ta gol urishning uddasidan chiqdi. Antuanning kataloniyaliklar bilan shartnomasi 2024 yil yoziga qadar amalda bo'ladi.