195 ta gol bilan urugvaylik "Barselona" tarixidagi uchinchi to'purar bo’ldi. Suares bolaligidanoq sevgan klubida u qadar uzoqqa borishni hech qachon o'ylamaganligini tan oladi. Hujumchiga klubning ikkinchi eng yaxshi to'purari Sezarn bilan tenglashish uchun yana 37 ta gol kerak.
-"Biz ma'lumotlarnini yoki statistikani e'tiborsiz qoldirmoqdamiz. Ammo men bolaligimda o'ynashni orzu qilgan klub tarixiga kirish menda juda ajoyib his tuyg’ular uyg’otdi. Men bu voqeadan g'ururlanaman ”,dedi Luis Suares Diario Sportga bergan intervyusida.
195 ta gol bilan 33 yoshli futbolchi "Barselona" tarixidagi uchinchi to'purar bo'lib, Lazlo Kubalani ortda qoldirdi.
-“Hayotimda umuman bu haqda tasavvur qilmagan edim. Bu yerga kelganimdan keyin klub talab qiladigan darajada muhim unvonlarni qo'lga kiritish haqida o'yladim. Qolganlarini men tasavvur qilmagan edim",- qo'shimcha qildi hujumchi.
-“Bir kuni kimdir menga mavsumda o'rtacha 30 ta gol urishimni aytdi. Men ikkinchi pog'onani egallagan Sezardan 37 ta gol kam urganman. Unga yetishim uchun o’z saviyamni saqlab qolishim kerak, imkoniyatim bo'lishi mumkin. Ko'ramiz nima bo’larkin.”
El Pistolero ushbu mavsumda 32 ta o'yinda 18 ta gol va 12 ta golli uzatmani amalga oshirdi. Afsuski, tizzasidan jarrohlik amaliyotidan keyin mavsumning ko'p qismini o'tkazib yubordi.

Manba: Tribuna.com