Ispaniya chempionatining 38-turi doirasida 19 iyul kuni «Alaves» o'z uyida «Barselona»ni qabul qildi. Kataloniyaliklar sardori Lionel Messi mazkur o'yinda (5:0) 2ta gol urdi va bitta golga uzatma berdi. Ushbu assist argentinalik futbolchi uchun mavsumdagi yigirma birinchisi bo'lib, bu La liga rekordi hisoblanadi. Leo ushbu ko'rsatkich bo'yicha sobiq jamoadoshi Xavini ortda qoldirdi. Ayni paytda "As-Sadd" bosh murabbiyi hisoblangan Xavi 2008/09 yilgi mavsumda 20ta golga uzatma bergan edi. Eslatib o'tamiz, La liganing bir mavsumida urilgan gollar soni bo'yicha rekord ham Messiga tegishli. U 2011/12 yilgi mavsumda 50ta gol urgan. Lionel joriy mavsumni 25ta gol bilan yakunladi.

Lionel Messi makes it 21 assists for the season, overtaking Xavi to set a new La Liga record ???? pic.twitter.com/lNjtWQ32SB

— ESPN FC (@ESPNFC) July 19, 2020