"Inter" "Barselona" sardori Lionel Messiga qiziqishni saqlab qoldi, deb xabar beradi Sport Mediaset.

Manbaning xabariga ko'ra, Italiya klubi Messi bilan 2021-yilda shartnoma imzolashga urinishi mumkin. Klub argentinalikka hozirgi sharoitida "Barselona"dagi kabi moliyaviy sharoitlarni taklif qilishga tayyor - u yiliga 50 million evro atrofida maosh oladi. Bundan tashqari, Messining otasi butun biznesini Milanga o'tkazmoqda va allaqachon ushbu shaharda uy sotib olgan. Ammo Messining otasining bu harakati Leoning "Inter" ga o'tishi bilan hech qanday aloqasi yo'q.

Shuningdek, "Inter" Messining "Barselona"dagi holatidan noroziligidan foydalanishni rejalashtirmoqda. Hamma argentinalikning klubga sodiqligini biladi, ammo u "Barselona" dagi doimiy muammolardan charchagan.

Messining "Barselona" bilan amaldagi shartnomasi 2021-yilni yozida tugaydi. "Barselona" hali Messi bilan shartnomani uzaytirish borasida kelishuvga erishgani yo'q