"Barselona" prezidenti Jozep Bartomeu jamoa koronavirus tufayli 200 million evro miqdorida zarar ko'rganini ma'lum qildi."Klub 14 may sanasidan beri daromad topmadi. Bizning zararimiz 200 million evroni tashkil qildi. Biz futbolchilar maoshini qisqartirish orqali zararlarni kamaytirishga harakat qildik. Biz do'konlar va muzeyni yopishga majbur bo'ldik.O'ylashimcha, pandemiyaning ta'siri yana 2-3 mavsum davomida seziladi. Iqtisodchilar 4 yil haqida gapirishmoqda, ammo ishonamanki, vaziyat tezroq barqarorlashadi", - dedi Bartomeu "Mundo Deportivo" nashriga bergan intervyusida.