«Bavariya» hujumchisi Robert Levandovski «Oltin butsa» uchun kurashda ancha vaqtgacha etakchilik qilib keldi. Ammo "Latsio" forvardi Chiro Immobile Italiya chempionatining so'nggi turlarida "uyg'onib" qoldi va polshalik futbolchidan o'tib ketdi.Italiyalik futbolchi o'z gollari sonini 35taga etkazib oldi. U gollarining 14tasi penaltidan urganini ta'kidlash lozim. "Yuventus" hujumchisi Krishtianu Ronaldu hisobida esa 31ta gol mavjud. Portugaliyalik futbolchi so'nggi turda "Roma" darvozasini 4 marta ishg'ol qilsa, Immobilega etib olishi mumkin (albatta, Chiro so'nggi turda "Napoli" darvozasiga gol urmasa). Shuningdek, "Inter" hujumchisi Romelu Lukakuda ham nazariy imkoniyat boru, ammo belgiyalik futbolchi "Atalanta"ga qarshi bo'ladigan so'nggi tur bahsida kamida 12ta gol urishiga to'g'ri keladida...«Oltin butsa»-2020 sovriniga da'vogarlar ro'yxati:1. Chiro Immobile (Latsio, Italiya) - 35 gol, 70 ball2. Robert Levandovski (Bavariya, Germaniya) - 34 gol, 68 ball3. Krishtianu Ronaldu (Yuventus, Italiya) - 31 gol, 60 ball4. Timo Verner (Leyptsig, Germaniya) - 28 gol, 56 ball5. Erling Xoland (Borussiya Dortmund, Germaniya) - 29 gol, 50 ball5. Lionel Messi (Barselona, Ispaniya) - 25 gol, 50 ball7. Romelu Lukaku (Inter, Italiya) - 23 gol, 46 ball8. Jeymi Vardi (Lester, Angliya) - 23 gol, 46 ball