«Bavariya» yarim himoyachisi Filippe Koutinoning agenti Kia Jurabchian braziliyalik futbolchining kelajagi borasida o'z fikrini bildirib o'tdi.«Ayni paytda Koutino bor e'tiborini Chempionlar ligasiga qaratgan. Oldinda katta o'yin kutib turibdi. Filippe o'z jamoasiga qarshi maydonga chiqishni istamoqda. Shu bois, u o'yinga jiddiy tayyorgarlik ko'rmoqda.Koutino dastlab «Barselona»ga qarshi o'yinda g'alaba qozonib, yakunda Chempionlar ligasida g'olib chiqishni istamoqda. Buning uchun esa «Bavariya»ning salohiyati etadi, deb o'ylayman.Chempionlar ligasi yakunlanganidan keyin esa uning kelajagi borasida muzokaralarni boshlaymiz. Bu masalada u bilan gaplashdim. Filippega Angliya premer-ligasi yoqadi. U APLga qaytmoqchi. Ammo moliya va koronavirus bilan bog'liq vaziyat hal qiluvchi ahamiyatga ega bo'lishi mumkin. Axir u narxi arzon o'yinchi emas», – dedi agent.