«Barselona» hujumchisi Luis Suaresning huquqshunosi Alexandro Balbi urugvaylik futbolchining kelajagi borasida o'z fikrini bildirib o'tdi."Ko'p jamoalardan takliflar tushmoqda. Luis ajoyib futbolchi. Shu bois, unga bo'lgan qiziqishlar har doimgidan ham ko'proq. U "Manchester Siti"ga o'tadimi yoki yo'qmi, menga hech narsa ma'lum emas. Ammo u Leo bilan do'stona munosabatlarga ega. Ular birgalikda shug'ullanishadi, oilaviy bordi-keldilari bor. Ular bir-birlarini maydonda ham, maydondan tashqarida ham yaxshi tushunishadi. O'ylashimcha, Messining qarori Luisning tanloviga ham ta'sir ko'rsatadi. Agar Leo "Manchester Siti" yoki "Yuventus"ga o'tsa, bu jamoa har ikki futbolchining xizmatidan foydalanishi mumkin. Bu esa futbol olamini kuchli larzaga keltiradi", - dedi Balbi.