«Barselona» futbolchilari tibbiy ko'rikdan o'tish uchun bugun klub bazasida to'planishdi. Barcha o'yinchilar klub ixtiyoriga etib kelishdi. Messi esa, kutilganidek, jamoa safiga kelib qo'shilmadi.An'anaga ko'ra, futbolchilar yig'in oldidan tibbiy tekshiruvdan o'tishadi. Shuningdek, ular koronavirusga test topshirishadi. Shundan so'ng futbolchilar Ronald Kuman boshchiligidagi ilk mashg'ulotlarni boshlashadi.Eslatib o'tamiz, Messi "Barsa" ofisiga ikkinchi faksni yuborib, jamoa safida mavsumoldi yig'inida ishtirok etmasligini ma'lum qildi. Birinchi faksda esa u "ko'k-anorranglilar" safini tark etishga qaror qilganini ma'lum qilgan edi.