"Manchester Siti" "Barselona" hujumchisi Lionel Messi uchun ko'p pul sarflamoqchi emas. Ma'lumot uchun, Leoning shartnomasidagi tovon puli 700 million evroni tashkil qiladi. "Shaharliklar" argentinalik forvardni o'z safiga qo'shib olishga tayyor, biroq ko'pi bilan uning transferiga 100 million evro ajratmoqchi. Bu haqda El Chiringuito TV jurnalisti xabar bermoqda.

Eslatib o'tamiz, Messi xizmatiga "Siti" jiddiy qiziqish bildirmoqda. Avvalroq Leo "Barsa"ning test topshirish marosimiga kelmaganligi haqida xabarlar tarqalgandi.