"Barselona" hujumchisi Lionel Messining otasi Xorxe Messi Kataloniya klubi prezidenti Xosep Bartomeu bilan uchrashadi, deya yozmoqda Mundo Deportivo.

Manbaning xabariga ko'ra, Bartomeu 3 sentyabr kuni Xorxe bilan uchrashadi va unga Messi qolishi kerakligini ta'kidlaydi. Ammo Xorxe o'z navbatida o'g'lining Chempionlar Ligasidagi muvaffaqiyatsizliklardan charchagani, ayniqsa, «Bavariya»ga qarshi bahsdagi 2:8 hisobidagi sharmandali mag'lubiyat tufayli ketishni afzal ko'rayotganini aytadi. 

Ma'lumot uchun, 33 yoshli Messi yangi loyiha izlayapti. U yangi jamoasida Kuman boshqaruvidagi «Barselona»dan ko'ra ko'proq muvaffaqiyat qozonishiga ishonmoqda.