2019/20 yilgi mavsumni "Bavariya"da o'tkazgan Filippe Koutino myunxenliklar safini tark etdi. Bu haqda germaniyaliklar rasmiy sayti xabar tarqatdi. "Bavariya" rahbariyati "Barselona" yarim himoyachisini sotib olmaslikka qaror qilishdi. Myunxenliklar Koutinoni 120 million evroga sotib olish huquqiga ega edilar. Ular ushbu g'oyadan voz kechishdi. Shu tariqa, braziliyalik futbolchi "Kamp Nou"ga qaytib, Ronald Kuman boshchiligidagi jamoa mashg'ulotiga qo'shiladi. Yakunlangan mavsumda 28 yoshli Koutino "Bavariya" jamoasi safida barcha musobaqalar doirasida 38ta o'yinda maydonga tushib, 11ta gol urdi va 5ta golga uzatma berdi. Uning "Barsa" bilan shartnomasi 2023 yilning yoziga qadar tuzilgan.