"Barcelona" hujumchisi Luis Suares "Yuventus"ga o'tishga shoshilmayapti. Bu haqda Diario Sport xabar bermoqda.

Suares muzokaralarda tanaffus qildi va faoliyatini davom ettirishning boshqa variantlarini o'rganmoqchi. Xabarlarga ko'ra, PSJ va Madridning "Atletiko" klublari ham Luisga da'vogarlik qilmoqda. Shuningdek, Suaresga MLS klublaridan qiziqishlar mavjud.

Eslatib o'tamiz, bir necha hafta oldin "Barselona"ning yangi bosh murabbiyi Ronald Kuman Suaresga ishonmasligi ma'lum bo'ldi. Unga yangi ish qidirishni taklif qilishdi. Shunga qaramay, bugun urugvaylik futbolchi "Barsa" joylashgan joyga etib keldi va mashg'ulotlarni boshladi.