Argentina terma jamoasi sobiq futbolchisi Ernan Krespo vatandoshi Lionel Messining "Barselona" ketishga uringani borasida o'z fikrini bildirib o'tdi. "Bu erda muammo shundaki, futbolchining otasiga hurmatni saqlagan holda aytishim mumkinki, bunday holatlarda uning yonida professsional odam bo'lishi kerak. Agent bilan muzokara o'tkazish bilan ota bilan muzokara o'tkazishning farqi bor. Agent oilaviy va boshqa muammolarni inobatga olib o'tirmaydi. Bunday holatlarda profi kerak.Men gapirayotgan narsalar avvalroq boshlangan edi. Shunday masalalar bor ediki, Leo bunday holat tushib qolmasidan avvalroq hal qilish kerak edi. Xorxe Messining xizmatlari qadrini pasaytirmoqchi emasman. Ammo muammolarni ancha avval hal etish lozim edi. Bir-biriga zid keluvchi shartnomalar ham bir necha marta muhokama qilingan. Messining "Barsa" bilan shartnomani uzaytirishi oson, ko'p tajriba kerak emas. Hozirgidek vaziyat yuzaga kelganida esa muammo boshlanadi", — dedi Krespo "Marca".