«Barselona» klubi sobiq futbolchisi Rivaldo kataloniyaliklar hujumchisi Lionel Messi bilan bog'liq vaziyat yuzasidan o'z fikrini bildirib o'tdi.«Messi o'tgan haftada «Barselona»da qolishini e'lon qildi. Demak, u mavsum oxiriga qadar klubdan qoladi. Agar mavsum yakunlanganidan keyin ham u jamoadan ketmasa, hayron qolmayman.Ushbu mavsumda ko'p narsa ro'y berishi mumkin, «Barselona» Ronald Kuman boshchiligida yangi hayot boshlamoqda. Klub prezidenti lavozimi uchun saylov esa mayrt oyida bo'lib o'tadi. Messi hozirgi prezident Jozep Bartomeuni tanqid qildi. Mart oyida yangi prezident saylancha, Leo jamoada qolishi mumkin. Yangi prezident Lionel bilan til topisha olsa va klub to'g'ri yo'ldan ketayotganiga ishontirsa, balki, Messi shartnomani uzaytirar. Messi va uning oilasiga Barselonada yashash yoqadi. Shuningdek, muxlislar uni yaxshi ko'rishadi. Bu — qolish uchun sabab. U «Barselona»ni yaxshi ko'radi. Hozirda futbolchilar yuqori saviyada uzoq vaqt o'ynash olishi mumkin. Messi esa 38 yoshgacha o'ynay olishi mumkin. Ko'pchilik Messining sadoqatiga shubha bilan qaramoqda. Ammo ushbu mavsumda u o'zini yaxshi tomondan ko'rsata olishiga shubha qilmayman. U klub uchun bor kuchi bilan harakat qiladi. Albatta, bunday muammolardan keyin u darhol yaxshi o'ynab keta olmasligi mumkin, ammo u eng yomon mavsumida ham 30dan ortiq gol urgan», – dedi Rivaldo.