Turinning "Yuventus" klubidan Kataloniyaning "Barselona" klubiga keo'chib o'tgan Miralem Pyanich nima sababdan «Kamp Nou»ga ko'chib o'tganiga izoh berdi. Bugun Pyanich "ko'k-anorranglilar" futbolchisi sifatida keng ommaga tanishtirildi.

«Bolaligimdayoq «Barselona» klubi safida to'p surishni orzu qilganman. Dunyoning eng buyuk klubi safiga o'tdim. Umid qilamanki, o'zimning eng yaxshi sifatlarimni ko'rsata olaman va mahalliy muxlislarni xursand qilishga erishaman.

Messi? Uni «Barselona»dan ketishini tasavvur qila olmasdim. «Barselona» - uning uyi. Leo – futbol tarixining eng kuchli futbolchisi, u jamoada qolganidan xursandman», - Pyanichning so'zlaridan iqtibos keltirmoqda «Barselona» klubi matbuot xizmati.