Kataloniyaning "Barselona" klubi hujumchisi Antuan Grizmann shu transfer bozorida jamoani tark etishga juda yaqin kelgandi.

RAC1 portalining tarqatgan ma'lumotiga qaraganda, frantsiyalik futbolchining agenti o'z mijozini Angliyaning "Manchester Siti" klubiga tavsiya qilgan. Biroq, "shaharliklar" frantsiyalik hujumchining xizmatiga ehtiyoj sezmayotganliklarini bildirishgan.

Qayd etish kerakki, futbolchining agenti va "Manchester Siti" rahbariyati Messi "Barselona" bilan ziddiyatga borgunga qadar muzokara olib borishgan.