«Barselona» klubi yangi bosh murabbiyi Ronald Kuman hozircha rasmiy o'yinlarda jamoa zaxira o'rindig'ida o'tirish huquqiga ega bo'lmaydi. Gap shundaki, Kike Seten haligacha kataloniyaliklarning rasman bosh murabbiyi hisoblanadi. Mutaxassis muddatidan avval bekor qilingan shartnoma uchun kompensatsiya talab qilmoqda. Ammo tomonlar hali bir qarorga kelishmadi. Shu bois, Ispaniya futbol federatsiyasi hali Kumanni bosh murabbiy sifatida ro'yxatdan o'tkazmadi. "Barselona" La liga doirasidagi dastlabki rasmiy uchrashuvni 27 sentyabr kuni "Vilyarreal"ga qarshi o'tkazadi.