«Barselona» himoyachisi Nelson Semedu klub bilan xayrlashdi.«Orzumni amalga oshirish — bu futbolkani kiyish, «Kamp Nou»da to'p tepish, jahonning eng yaxshi futbolchilari bilan yonma-yon o'ynash imkoniyatini berganing uchun katta rahmat, «Barselona». Menga o'yinchi va shaxs sifatida o'sishda yordam berganingiz uchun rahmat. Ajoyib 3 mavsumni o'tkazdim. Men buni hech qachon unutmayman. Jamoadoshlarim, klub xodimlari, muxlislar va jamoaga kelganimdan buyon shu kungacha menga yordam bergan barchaga minnatdorchilik bildiraman. Sizlarga omad tilayman. Umrbod minnatdorman», – deya yozdi portugaliyalik futbolchi instagram orqali.Avvalroq 26 yoshli futbolchi 35 million evro evaziga «Vulverxempton»ga o'tishi haqda ma'lumot berilgan edi.