"Barselona" hujumchisi Luis Suares faoliyatini "Atletiko"da davom ettiradi.

Kataloniya klubi 33 yoshli futbolchini madridliklar safiga o'tayotganini tasdiqladi. 

"Barsa" bitim shartlariga ko'ra, 6 million evrogacha turli xil bonuslarni oladi. Xabarlarga qaraganda, "matraschilar" EChL chorak finaliga chiqqan yillari 2 million evrodan to'laydi. 

Eslatib o'tamiz, Suares "Barsa" safida 2014 yildan buyon to'p tepib kelayotgan edi. U jami 283ta o'yinda maydonga tushib, 198ta gol urishga erishgan.