Kievning «Dinamo» klubi bosh murabbiyi Mircha Luchesku EChLning 3-tur doirasida Kataloniyaning «Barselona» klubiga qarshi bo'lib o'tadigan uchrashuvdan oldingi fikrlari bilan o'rtoqlashdi.

«Bavariya»ga qarshi o'yindan keyin «Barselona»da o'zgarishlar bo'layotgani kuzatildi. Tarkibda juda ko'p iqtidorli futbolchilar bor, biroq, Kumanning mexanizmini o'rganib olish uchun vaqt talab etiladi.

«Barselona» Evropa Chempionlari Ligasida g'olib chiqishga qodir emas. Hozir, aniq bu turnirni yuta olmaydi. Barcha narsani joyiga tushirib olish uchun Kumanga kamida olti oy vaqt kerak. Undan keyin esa barqaror o'yin namoyish etish uchun vaqt kerak bo'ladi. Biroq, tushunyapsizmi, bugun qo'l ostingizda bor futbolchi ertaga karantinga olinsa - vazifangiz murakkablashadi.

«Bavariya», «Manchester Siti» yoki «PSJ»larning imkoniyatlari yuqori. Hatto Messi ham «Barselona»ni torta olmayapti. U har doim maydonda aqlbovar qilmaydigan ishlarni amalga oshiradi, ammo individual mahorat har doim jamoaviy tajribani oldida o'z kuchini yo'qotadi», — dedi Luchesku.