Kataloniyaning "Barselona" klubi sobiq direktori Xaver Bordas Kilian Mbappe 2017 yili jamoada paydo bo'lishi mumkinligini aytib berdi.

"Biz Usmon Dembelening transferi borasida ishlayotganimizda, agent Xosep Mariya Mingella biz bilan aloqaga chiqib, Mbappe bizning klubga o'tishga tayyor ekanligini aytgandi. Bu borada Bartomeu bilan maslahatlashgandim va u menga futbolchiga qarashimni aytgandi.

Men Mbappening otasi bilan gaplashgandi va u menga tarkibida Krishtianu, Benzema va Beyllar bor "Real"ga bormasligini aytgandi. Otasi Mbappe "Barselona"ga o'tishi mumkinligini, chunki Neymar ketganligini bildirgandi.

"Monako" prezidenti Mbappe "PSJ" kuchayib ketmasligi uchun uni "Barselona"ga o'tishini xohlagandi. O'sha paytda uni 100 million evroga sotib olish mumkin edi. Biroq, klub rahbariyati Dembele variantiga to'xtalgandi. O'shanda rahbariyati Mbappe o'zi uchun, Dembele esa jamoa uchun futbol o'ynashini aytishgandi. Neymar ketganidan keyin rahbariyati hujumchi o'rniga vinger sotib olishni xohlagan edi", - Bordasning so'zlaridan iqtibos keltirmoqda Mundo Deportivo.