Madridning "Atletiko" klubi o'z rasmiy saytida yarim himoyachi Lukas Torreyraning koronavirusi bo'yicha test natijalari ijobiy chiqqanligi haqida xabar tarqatdi.

Futbolchi Urugvay terma jamoasi ixtiyoridan Madridga qaytgach, yana test topshiradi. Lukas kasallikni alomatsiz o'tkazmoqda va u karantinga olingan.

"Atletiko" La Liganing navbatdagi o'yinini shanba kuni o'z uyida "Barselona" klubiga qarshi o'tkazadi.

Avvalroq Urugvay terma jamoasi va "Atletiko" forvardi Luis Suares koronavirus tufayli "Barselona" bilan o'yinni o'tkazib yuborishi haqida xabar berilgan edi.