Kecha Madridning "Atletiko" klubiga qarshi uchrashuvda jarohat olgan Kataloniyaning "Barselona" klubi himoyachisi Jerar Pike olti oygacha maydonga tusha olmasligi mumkinli haqida Sport.es sayti xabar bermoqda.

Pike uchrashuvning 62-daqiqasida "Atletiko" yarim himoyachisi Anxel Korrea bilan to'qnashuvdan so'ng jarohat olib maydonni tark etgandi. Pikening jarohati qay darajada jiddiyligi haqida bugun o'tkaziladigan tibbiy tekshiruvda ma'lum bo'ladi. Agar Pike operatsiya qilinadigan bo'lsa, u holda 4 oydan 6 oygacha maydondan chetda qoladi. Agar u operatsiya stoliga yotqizilmaydigan bo'lsa, u holda ikki oydan so'ng maydonga qaytadi.