Kataloniyaning «Barselona» klubi bosh murabbiyi Ronald Kuman Antuan Grizmann Kievning «Dinamo» klubiga qarshi jarohati bilan o'ynaganini aytib berdi.

«Men Antuanni dastlabki daqiqalardan maydonga tushirmaslikka qaror qildim, chunki unda kichik jarohat bor edi. U zahira o'rindig'ida o'tirganida boshqa futbolchilar uning vazifasini qoyilmaqom qilib bajarishayotgandi.

Nima uchun Antuanni maydonga tushirdim? Biroz qoni aylanishi kerak edi. Shifokorlar uning 10 daqiqa maydonda to'p surishi foydali bo'ladi deb aytishdi.Haqiqatdan ham shunday bo'ldi. Ayniqsa ruhiy tarafdan. Gol albatta Grizmanni ilhomlantirdi», — dedi Kuman.