«PSJ» sport direktori Leonardo «Barselona» hujumchisi Lionel Messi parijliklar safiga o'tishi mumkinligi haqidagi xabarlarga o'z munosabatini bildirdi. Avvalroq Neymar: "Kelasi mavsumda biz Messi bilan bir jamoada o'ynashimiz kerak", deya aytib o'tgan edi. «Neymar argentinalik jurnalistga bunday degani — normal holat. U Messi haqida gapirishiga to'g'ri keldi. Bu normal vaziyat.Biz boshqalarni hurmat qilishimiz kerak. U «Barselona» o'yinchisi. Boshqalar bizning o'yinchilar haqida gapirsa, bu bizga yoqmaydi. Shu bois, biz boshqa o'yinchilarga tegmaymiz.Hozir transfer haqida o'ylaydigan payt emas. Biz tarkibdan qoniqish hosil qilyapmiz. Hozir esa og'ir kechayotgan joriy mavsum haqida o'ylashimiz kerak», – dedi Leonardo.