Muxlislar O'zbekiston – Qirg'iziston uchrashuvi chiptalarini qaerlarda harid qilishlari mumkin?
Bilasiz, noyabr oyida O'zbekiston milliy terma jamoasi Toshkentda JCh-2022 saralashi doirasida Saudiya Arabistoni hamda Falastin termalariga qarshi maydonga tushadi.
Ushbu muhim bahslarga tayyorgarlik doirasida Vadim Abramov boshchiligidagi milliy jamoamiz Qirg'iziston terma jamoasiga qarshi o'rtoqlik uchrashuvi o'tkazadi. Uchrashuv 9 noyabr kuni Toshkentdagi “Paxtakor” stadionida bo'lib o'tadi va soat 17:00da boshlanadi.
Oldin xabar berganimizdek, chiptalar oldi-sotdisi jarayonini tartibga solish, chiptalarning olib-sotarlar qo'lida qaytadan sotilishining oldini olish, qolaversa muxlislar uchun qo'shimcha qulayliklar yaratish, bu orqali esa chiptalarning shaffof savdosini ta'minlash maqsadida O'zbekiston futbol assotsiatsiyasi iticket.uz chiptalar operatori bilan hamkorlikni yo'lga qo'ygan. Natijada iticket.uz milliy terma jamoa o'yini chiptalari savdosini to'liq hajmda amalga oshiradi.
O'zbekiston – Qirg'iziston uchrashuvi chiptalari sotuvi hamon davom etmoqda. Endilikda ishqibozlar vaqtlarini ketkazmay, stadion kassalarida uzundan-uzun navbatlarda turmasdan, uydan chiqmagan holda ham elektron shaklda chiptalar harid qilish imkoniga ega.
Hozirda o'yin chiptalari iticket.uz saytida, shuningdek, quyidagi savdo shaxobchalari va kassalarda sotilmoqda:
- Afrosiyob 4A, Grand Trade Biznes Markazi, 1-qavat (Soat 09:00dan - 19:00gacha);
- “Humo Arena” majmuasi (Soat 10:00dan - 20:00gacha);
- “Samarqand Darvoza” ko'ngilochar savdo majmuasi, 1-qavat (Soat 10:00dan - 22:00gacha);
- “Compass” ko'ngilochar savdo majmuasi, 1-qavat (Soat 10:00dan - 22:00gacha);
- Samarqand shahri, Universitet hiyoboni, 1/4, Malika Prime mehmonxonasi (Soat 09:00dan - 18:00gacha).
- “Paxtakor” stadioni kassasi (Alisher Navoiy nomidagi kino saroyi yonida joylashgan kassa - soat 10:00dan - 20:00gacha).
Chipta bo'yicha batafsil ma'lumotni iticket.uz saytidan olishingiz mumkin.
6-Noyabr 2019,22:15
O'xshash yangiliklar
Izoh qoldirish
Bo'limlar
Eng ko'p o'qilgan
FC BARCELONA O'YINLARI
Futbolchilar hayotidan (Instagram)
270