"Manchester Siti" ijrochi direktori Ferran Soriano "Barselona" hujumchisi Lionel Messining "shaharliklar" safiga o'tishi mumkinligi haqidagi xabarlarga o'z munosabatini bildirdi. "Men hech narsa deya olmayman. Men aytadigan har qanday so'zlar provokatsion savlahaga sabab bo'lishi mumkin. Faqat shuni aytishim mumkinki, Messi o'z kelajagini o'zi hal qilishga munosib. U jahonning eng yaxshi futbolchisi.Leo qaerda o'ynashni o'zi hal qilishi kerak. Biz ko'p futbolchilar haqida bilamiz, ammo ularning qarorlariga ta'sir ko'rsata olmaymiz. "Manchester Siti" direktori sifatida men hech narsa deya olmayman", - dedi funtsioner "Manchester Evening News"ga bergan inervyusida.