Kataloniyaning «Barselona» klubi yarim himoyachisi Serdji Buskets jamoasining joriy mavsumdagi o'yinlari haqida fikr bildirdi.

«Hozirda jamoamiz ancha kuchayib qoldi va ishonchli o'yin namoyish etyapmiz. Hujumda vaziyatlar yaratyapmiz, ammo endi ularni golga aylantirishimiz kerak. Umid qilamanki, o'sishda davom etamiz.

Jamoa tarkibida 600 ta o'yin o'tkazganimdan faxrlanaman va bundan xursandman. Bunga faqat to'rt nafar futbolchi erishdi va faoliyatimdan qoniqyapman. Umid qilamanki, yana ko'plab uchrashuvlarda ishtirok etaman», – dedi Buskets klub rasmiy saytiga.