Frantsiyaning «Sent-Eten» klubi «Barselona» himoyachisi Jan-Kler Todibo xizmatlariga qiziqish bildirmoqda deya xabar qiladi RMC Sport.

Manbaga ko'ra frantsuzlar futbolchini qishki transferlar oynasida ijaraga olishni niyat qilgan. Qo'shimchasiga klub uning transfer summasini bo'lib to'lash taklifini ilgari surmoqda.

Ma'lumot uchun, 21 yoshli Todibo hozirda «Benfika»ga ijaraga berib yuborilgan bo'lib, joriy mavsum u portugallar safida atigi 1 ta o'yinda maydonga tushdi.

O'z navbatida «Barsa» uni 2019 yil yanvarda «Tuluza»dan 1 millionga xarid qilgan edi.