«Barselona» himoyachisi Jan-Kler Todibo uchun kurashga Frantsiyaning «Nitstsa» klubi ham qo'shildi.

Bu haqda jurnalist Janluka Di Martsio xabar bermoqda. Jamoa himoyachini ijara asosida qo'lga kiritish variantlarini o'ylab ko'rmoqda.

21 yoshli futbolchi ayni damda «Benfika»da ijara asosida harakat qilmoqda. Biroq portugallar frantsuzning o'yinlaridan qoniqish hosil qilmayapti.

Todibo joriy mavsum «Benfika» safida 2 ta o'yinda maydonga tushdi. U shuningdek, Rimning «Latsio» klubi qiziqish markazida ham bo'lib turibdi.