Kecha "Barselona" prezidentligi uchun saylovlar bo'lib o'tdi. Hisob-kitob natijalariga ko'ra, Joan Laporta «ko'k-anorranglilar» rahbariga aylandi.58 yoshli funktsioner jami ovozlarning 54,28 foizini to'pladi. Boshqa nomzodlar — Viktor Font 29,29% va Toni Freyshu esa 8,58% ovozga ega bo'lishdi. Laporta to'rtinchi marta «Barselona» prezidentligi uchun saylovda ishtirok etdi. 2003 yilda ilk marta g'olib chiqqan bo'lsa, 2006 yilda boshqa nomzodlar yo'qligi bois o'z vazifasini bajarishda davom etdi. 2015 yilda esa u Jozep Bartomeuga yutqazgandi.Laporta boshqaruvi davrida "Barsa" jami 12ta sovrinni qo'lga kiritgan.