"Barselona" bosh murabbiyi Ronald Kuman Evropa chempionlar ligasi nimchorak final bosqichidan o'rin olgan "PSJ"ga qarshi o'yin arafasida jamoasining imkoniyati haqida gapirdi."Agar Leo faoliyatidagi eng yaxshi o'yinlardan birini namoyish etsa, unda barcha narsaning imkoni bor. U har qanday bahs taqdirini hal qila oladi. Ammo, undan tashqari butun jamoa o'zining eng yaxshi darajasida bo'lishi kerak.2017 yilgi kambekdan keyin bizdan qo'rqishadi, deb o'ylamayman. 1:4 hisobidagi mag'lubiyatdan keyin keyingi bosqichga chiqishimiz qiyin bo'ladi. Ammo imkonsiz narsa mavjud emas. O'zimizga ishonamiz. Biz kuchli o'yin ko'rsatishimiz kerak.Raqib jamoa safida Neymar bo'lmasa, bizga oson bo'ladi. U men uchun jahondagi eng yaxshi futbolchilardan biri", - dedi Kuman.Eslatib o'tamiz, "Barselona" va "PSJ" jamoalari o'rtasidagi dastlabki o'yin 1:4 hisobi bilan yakunlangandi. Javob bahsi 10 martdan 11 martga o'tar kechasi Toshkent vaqti bilan tungi soat 01:00da boshlanadi.