«Barselona» prezidenti Joan Laportadan Ispaniya kubogi finalidan so'ng Messining kelajagi to'g'risida so'rashdi.

«Messi barcha davrlarning buyuk futbolchisi. Men uning jamoada qolishiga ishonaman. U va rahbariyat o'rtasidagi o'zaro rishtalar mustahkam.

Menimcha, Leoning o'zi ham ketish haqida o'ylamayapti. Biz uni jamoada olib qolish uchun barcha imkoniyatlarimizni ishga solamiz», - deydi Laporta.

Eslatib o'tamiz, finaldan so'ng Messi yangi shartnoma borasidagi savolga javob bermadi.