«Barselona» bosh murabbiyi Ronald Kuman kubok finalidan so'ng o'z fikrlari bilan o'rtoqlashdi.

«Natija o'yinga to'laqonli mos bo'ldi. Biz bundan ham yirik hisobda yutishimiz mumkin edi. Biroq vaziyatlardan unumli foydalana olmadik.

Barchasi birinchi goldan so'ng boshlandi. Shundan so'ng butun jamoa birdaniga ochilib ketdi. Bu erda albatta Messi va De Yongning xizmatlarini alohida ta'kidlash joiz.

Leoga ortiqcha ta'rif yo'q. Biroq Frenki o'yindan o'yinga o'sib boryapti. "Barselona" bu kabi finallarda o'z darajasidan bir pog'ona baland o'ynaydi», - deydi Kuman.