«Barselona» klubi Evropa superligasi borasida o'z pozitsiyasini rasman ma'lum qildi.«Barselona» Evropaning ko'pgina katta klublari fikriga qo'shiladi: tizimga islohotlar kerak. Boz ustiga, hozirgi ijtimoiy-iqtisodiy vaziyatni inobatga olganda, futbol uchrashuvlari sifatini oshirish orqali jahon futbolining yashab ketishi va moliyaviy barqarorligini kafolatlash uchun islohotlar juda ham zarur. Shundan kelib chiqib, «Barselona» direktorlar kengashi Superliganing ta'sischi-a'zosi bo'lishi taklifini qabul qildi. Ushbu turnir jahondagi futbol muxlislariga jozibador va sifatli mahsulot taklif qilishni maqsad qilgan. Bu esa "Barselona"ning ajralmas printsiplaridan biri hisoblanadi. Superligada qolish qarori qat'iyatlik bilan qabul qilindi. Undan voz kechish tarixiy xato bo'lardi. Jahonning etakchi klublaridan biri sifatida biz hamisha ilg'or bo'lishga intilib kelganmiz. Mazkur loyiha bo'yicha jamoatchilikning fikrini inobatga olgan holda «Barselona» ushbu noroziliklar sababini chuqur tahlil qiladi hamda futbol olami manfaatlari uchun barcha masalalarni hal qiladi. Chuqur tahlil uchun esa vaqt talab etiladi. Shoshqaloqlik bilan qaror chiqarmaslik uchun sovuqqonlikni saqlab qolishimiz zarur.Sud Superliga ta'sischi-klublari tashabbusini qo'llab-quvvatlash maqsadida huquqiy yordam taqdim etgani ham muhim ahamiyatga ega. Shundan kelib chiqib, asossiz bosim va qo'rqitishlar ta'siri ostida qaror qabul qilishni noto'g'ri deya hisoblaymiz.Shunga qaramay, «Barselona» masalaning mohiyatini juda yaxshi tushunib turibdi. Jamoa ehtiyotkorlik bilan ish tutadi va klub muxlislaridan sabrli bo'lishni va klubning qarorini hurmat qilishni so'raydi», – deyiladi "Barsa" bayonotida.