Ispaniya chempionatining joriy mavsumi yakunlanishiga 5 tur qolganida Chempionlar ligasining kelgusi mavsumida ishtirok etish huquqini qo'lga kiritgan 4ta jamoaning nomi aniq bo'ldi. «Atletiko» (73 ochko), «Real» (71), «Barselona» (71) va «Sevilya» (70) klublari mazkur yo'llanmalarga ega bo'lishdi. Ular yaqin ta'qibchilaridan eng kamida 20 ochkoga ilgarilab ketishdi. Ayni paytda La liga jadvalida 4-pog'onada borayotgan «Vilyarreal» ham EChLda ishtirok etishi mumkin. Buning uchun "sariq suvosti kemasi" Evropa ligasida g'olib chiqishi kerak. Unai Emeri jamoasi turnirning yarim finaligacha etib kelgan va unda "Arsenal" bilan to'qnash keladi.