«Real» La Liga 34-turida «Osasuna»dan ustun kelganidan (2:0) xabardorsiz.

Mazkur uchrashuvdagi ikkinchi gol forvard Karim Benzemaning uzatmasidan keyin xavbek Kazemiro tomonidan kiritildi. Frantsiyalik oxirgi uch oyda La Ligada «gol+pas» tizimida 14 ochko (11+3) jamg'ardi.

Top-5 chempionatlarda faqat Lionel Messi (14+7) katta farq bilan oldinda bormoqda.

Benzemaning ochkosi bilan bir xil natija qayd etgan futbolchilar ham bor: Luis Muriel («Atalanta»), Erling Xoland («Borussiya Dortmund») va Romelu Lukaku («Inter»).