Ushbu yozda «Lion»dan erkin agent maqomida ketadigan Memfis Depay «Barselona» bilan shartnoma imzolashi mumkin. «Ko'k-anorranglilar» futbolchisi bo'lish uchun Depay hatto ish haqini kamaytirishga ham rozi bo'ldi.

Ammo, Depayning transferi 100% amalga oshadigan ish emas. Chunki niderlandiyalik hujumchi, hamyurti Ronald Kuman jamoa boshqaruvida qolsagina, «Barselona»ga o'tadi. Agar kataloniyaliklar prezidenti Xuan Laporta murabbiyni o'zgartirmoqchi bo'lsa, vaziyat o'zgarishi mumkin.

Eslatib o'tamiz, Ronald Kuman Memfis Depayni o'tgan yili sotib olmoqchi edi, ammo tomonlar o'zaro kelisha olishmagan.