Madridning «Atletiko» hujumchisi Luis Suares bir kun kelib MLSga yo'l olishini inkor etmadi.

Urugvaylik futbolchi Ispaniyaning Club Del Deportista jurnali uchun bergan intervyusida vaqti kelib, MLS jamoalaridan birining tarkibiga kirishni istashini aytdi.

Biroq, Suares «Atletiko»ni hozir, o'z imkoniyatlarining eng yuqori cho'qqisida tark etmoqchi emas.

Luisning Madrid klubi bilan shartnomasi 2022 yilning yoziga qadar amal qiladi, shuning uchun hujumchi kelajagi haqida batafsilroq gaplashish uchun kelishuv tugashini kutishni afzal ko'radi.

2020 yilda Suares «Barselona» dan «Atletiko»ga o'tgan edi. Bugungacha futbolchi yangi klubida 19 ta gol urishga muvaffaq bo'ldi.