Bundan oldinroq «Barselona» xavbeki Filippe Koutinoga Frantsiyaning «Marsel» klubidan taklif tushgani haqida xabar bergan edik.

Biroq Le10Sport nashrining ma'lumotlariga ko'ra, jamoa murabbiyi Xorxe Sampaoli braziliyalikning xizmatlariga qiziqish bildirmayotganini aniq ta'kidlab o'tdi.

Eslatib o'tamiz, Koutino tizzasidan olgan jarohati tufayli 2020 yilning dekabridan buyon maydonga tushmayapti.

Braziliyalikning «Barsa» bilan shartnomasi 2023 yilning yozigacha amal qiladi. Uning transferi kataloniyaliklarga 135 million evroga tushgan edi.