"Manchester Siti" va "PSJ" Lionel Messining "Barselona"dagi shartnomasi bilan bog'liq vaziyatni kuzatishda davom etmoqda, deb xabar beradi Mundo Deportivo.

Rasmiy ravishda 30 iyundan buyon erkin agent bo'lgan argentinalik forvard "Barsa" bilan yangi ikki yillik shartnoma borasida kelishib oldi, ammo klub La Liganing moliyaviy qoidalariga rioya qilish uchun bitimdan oldin maoshni qisqartirishi kerak.

Manbaning ta'kidlashicha, agar kelishuv amalga oshmasa, "PSJ" Messini Parijga olib kelib, unga yaqin do'sti Neymar bilan birga o'ynash imkoniyatini taqdim etadi, "Siti" esa unga "Nyu-York Siti"da o'ynash imkoniyatini o'z ichiga olgan shartnoma taklif qilishni maqsad qilgan.