Yarim himoyachi Ilaysh Moriba yozgi transfer oynasida "Barselona"dan ketadi. Sport.es nashrining xabariga ko'ra, Kataloniya klubi 18 yoshli futbolchi uchun kamida 15 million evro olmoqchi. Moriba avvalroq "Barselona" bilan yangi shartnoma imzolashdan bosh tortgan edi.

Futbolchiga Ispaniyaning bir nechta klublari hamda "Leyptsig" da'vogarlik qilmoqda. O'tgan mavsumda Moriba La Ligada 14ta o'yinda maydonga tushib, 1ta gol urdi.