«Barselona» bilan ziddiyatga borayotgan yarimhimoyachi Ilaysh Moribaga «Tottenxem» qiziqish bildirmoqda.

London klubi 18 yoshli futbolchining agentlari bilan muzokara olib bormoqda, deb xabar bermoqda "Daily Mail" nashri.

Avvalroq, Moribaga «Chelsi», «Manchester Siti» va «Leyptsig» qiziqayotgani haqida xabar berilgan edi.

Eslatib o'tamiz, yarimhimoyachi «Barsa» bilan shartnoma borasida kelisha olmaydi. Ma'lum bo'lishicha, u kataloniyaliklarning shartlari bo'yicha shartnomani yangilamoqchi emas.