"Tottenxem" markaziy himoyachisi Kristian Romero Argentina terma jamoasidagi jamoadoshi Lionel Messi uni yozda "Barselona"da ko'rishni xohlaganini tan oldi. Marca nashri xabariga ko'ra, Messi Amerika Kubogi paytida Romeroga buni shaxsan aytgan.

U menga: "Men seni "Barselona" tarkibida ko'rishni xohlardim", deb aytgan.

Bu suhbatdan ko'p o'tmay, Messi "Barselona"ni tark etdi va Romeroning o'zi "Atalanta"dan "Tottenxem"ga ko'chib o'tdi. OAV ma'lumotlariga ko'ra, inglizlar 23 yoshli argentinalik futbolchini 55 million evroga sotib olgan. Futbolchining o'zi, xabar qilinganidek, "Tottenxem" bilan 2026 yilgacha shartnoma imzolagan.

O'tgan mavsum Romero A Seriyaning eng yaxshi himoyachilaridan biriga aylandi. U 31 ta o'yin o'tkazdi va ikkita gol urdi.